Atvinnuumsókn

Almenn umsókn hjá Bónus


Starfsmenn Bónus eru um 1000 í dag, fjórum sinnum fleiri en fyrir 7 árum. Verslanirnar eru 19 á höfuðborgarsvæðinu, Skeifunni, Kjörgarði við Laugaveg, Holtagörðum, Korputorgi, Skútuvogi, Fiskislóð, Grafarvogi, Mosfellsbæ, Garðatorgi í Garðabæ, Kauptúni í Garðabæ, Helluhrauni í Hafnarfirði, Kringlunni, Smáratorgi í Kópavogi, í Hraunbæ, Lóuhólum, Tjarnarvöllum í Hafnarfirði og Ögurhvarfi í Kópavogi og Nýbýlavegi Kóp. Úti á landi eru 12 verslanir, á Ísafirði, tvær verslanir á Akureyri, Selfossi, í Borgarnesi, á Egilsstöðum, tvær verslanir í Reykjanesbæ, Hveragerði, Stykkihólmi, Vestmannaeyjum og á Akranesi.

Fyrsta verslun Bónus var opnuð árið 1989 og síðan þá hefur fyrirtækið lagt metnað sinn í að bjóða alltaf lægsta verðið hverju sinni.

Bónus er keðja lágvöruverðsverslana sem frá stofnun hefur boðið viðskiptavinum sínum lægsta mögulega matvöruverð á Íslandi. Bónus hefur skemmri opnunartíma en margir keppinautar og stefnumarkandi vöruval fyrir lágvöruverðsverslun. Hönnun Bónusverslana miðar öll að því að halda rekstrarkostnaði í lágmarki. Áhersla er lögð á lítinn íburð í verslunum, stöðugt kostnaðaraðhald, mikinn veltuhraða birgða en birgðahald takmarkast af hilluplássi. Vöruframboðið spannar allar meginþarfir heimilishaldsins en auk þess býður Bónus takmarkað úrval af sérvöru, eins og grunnvöru í fatnaði og árstíðabundnar vörur.

Það er Bónus mikilvægt að halda því trausti sem almenningur hefur sýnt verslunarkeðjunni og eitt af leiðarljósum Bónus hefur ávallt verið að láta viðskiptavininn njóta hluta ábatans af því þegar nást hagstæðir innkaupasamningar. Það er einnig mikilvæg staðreynd að Bónus býður sama verð í öllum sínum verslunum um land allt.

Bónus rekur 31 verslanir um land allt, en þar af eru 19 á höfuðborgarsvæðinu og 12 á stærstu þéttbýlisstöðum á landsbyggðinni